نئی دہلی : بھارت میں ہندوؤں کا مذہبی تہوار ”جنم اشٹمی“جوش و جذبے سے منایا گیا۔ دن کی مناسبت سے ہزاروں ہندو یاتریوں نے مختلف مندروں میں مذہبی رسومات ادا کیں۔
نئی دہلی میں جنم اشٹمی کے موقع پر ہزاروں ہندو یاتری مختلف مندروں میں جمع ہوئے اور مذہبی رسومات ادا کیں۔ریاست منی پور میں بھی جنم اشٹمی کا بڑا اجتماع لسکون مندر میں ہواجہاں لوگوں کی بڑی تعداد جمع ہوئی۔
اس موقع پر لوگوں نے مذہبی رقص کا بھی مظاہرہ کیا۔ یاتریوں کا کہنا تھا کہ اس دن کا مقصد امن ومحبت کا فروغ ہے۔ ہندو مذہب میں جنم اشٹمی کا تہوار ہندو دیوتا کرشنا کی یاد میں منایا جاتا ہے۔یہ دن سال میں دو دفعہ کرشنا کی پیدائش اور اس کے باپ وسودیو کی جانب سے کرشنا کو گوکول لیجانے والے دن منایا جاتا ہے۔
