انقرہ : اٹلی میں شادی کی تقریب میں انسانوں کے ساتھ ساتھ کتوں کو بھی بطور مہمان مدعو کیا گیا۔ شادی کی یہ انوکھی تقریب شمالی اٹلی کے قصبے ویریزی میں منعقد کی گئی جہاں ویویانا سیویرو اور ڈیوڈ میچلنی رشتہ ازدواج میں منسلک ہوئے۔
دولہا اور دلہن کو کتوں سے اتنی محبت ہے کہ انہوں نے اپنی شادی کی تقریب میں ساٹھ سے زائد پالتو کتوں کو مدعو کرکے اپنی شادی کو یادگار بنایا۔ کتوں نے بھی بڑھ چڑھ کراس رنگا رنگ تقریب میں شرکت کی۔ اس کے علاوہ ان کے مالکان بھی تقریب میں شریک ہوئے۔ تقریب کے آخر میں کتوں کے لئے دعوت طعام کا بھی خاص انتظام کیاگیا تھا جس کا کتوں نے خوب مزہ اڑایا ۔
