ثناء: اسامہ بن لادن کے سابق ڈرائیور سلیم احمد حمدان نے خلیج گوانتانامو سے رہائی کے بعد یمن میں ٹیکسی چلانا شروع کردی ہے۔ احمد حمدان کا کہنا ہے کہ وہ اس زندگی کو امریکی عقوبت خانے میں گذارے جانے والے سات برس کے مقابلے میں بہت زیادہ بہتر خیال کرتے ہیں۔
امریکی فوجی عدالت نے احمد حمدان کو دہشت گردی کی کارروائیوں میں معاونت کے الزام میں 66 ماہ کی سزا سنائی تھی۔ انہیں نومبر 2001 کو حراست میں لیا گیا تھا۔ حمدان کو امریکی عقوبت خانے سے رہائی کے بعد آٹھ ماہ پہلے یمن کے حوالے کیا گیا۔ یہ رہائی امریکا میں ایک طویل قانونی جنگ کے بعد عمل میں آئی۔
