اسلام آباد : ساتویں قومی مالیاتی کمیشن کے پہلے اجلاس کیلئے صوبوں کے ساتھ وفاقی حکومت کی جانب سے بھی بعض تجاویز تیار کرلی گئی ہیں، سرکاری حلقے کو امید ہے کہ اجلاس وسائل کی تقسیم کے متفقہ فارمولے پر پہنچ جائے گا۔
اسلام آباد میں وفاقی حکومت کے ذرائع کے مطابق بلوچستان رقبے کی بنیاد پر محاصل کی تقسیم کا مطالبہ کررہا ہے ۔پنجاب آبادی اور پسماندگی کو وسائل کی تقسیم کی بنیاد بناناچاہتاہے ۔
سندھ اپنے حصے اور دوسرے صوبوں سے آنے والے آبادی کے دباؤ کو محصولات تقسیم کی بنیاد بنانے کا مطالبہ کررہا ہے۔ جبکہ صوبہ سرحد بجلی کی رائلٹی میں اضافے اور آئی ڈی پیز کیلئے براہ راست گرانٹ کا طلب گار ہے۔
