کراچی : کراچی کے علاقے پاک کالونی میں دو مسلح گرپوں کے درمیان تصادم کے نتیجے میں ایک رینجرز اہلکار اور خواتین سمیت متعدد افراد زخمی ہو گئے۔
پولیس کے مطابق متنازعہ باغ، گٹر باغیچہ میں تجاوزات قائم کرنے کیخلاف دومسلح گروپوں میں فائر نگ کا سلسلہ شروع ہو گیا جو وقفے وقفے سے تاحال جاری ہے۔۔ واقعے کے فوری بعد پولیس اور رینجرز کی بھاری نفری موقع پر پہنچ گئی ۔ تاہم مشتعل مظاہرین نے پولیس اور رینجرز پر بھی فائرنگ اور پتھرائو کیا گیا۔
علاقے میں دوکانیں بند کروادی گئیں۔ جبکہ ٹریفک بھی بحال نہیں کرایا جاسکا۔رینجرز نے علاقے میں امن خراب کرنے والے دو شر پسند کو گرفتار کر لیا ہے ۔
