کراچی : کراچی کے علاقے سہراب گوٹھ پر واقع ایدھی سینٹر کے قریب نامعلوم افراد نے ہوٹل پر فائرنگ کی جس سے دو افراد جاں بحق جبکہ ایک شخص زخمی ہوگیا۔
پولیس کے مطابق موٹر سائیکل سوار نا معلوم مسلح افراد کی فائرنگ سے ہلاک ہونے والوں میں اکبر اور ابوبکر شامل ہیں جبکہ علی نامی شخص زخمی ہوگیا ۔ فائرنگ کے واقعے کے بعد علاقے میں سخت کشیدگی پھیل گئ مشتعل افراد نے سڑک پر ہنگامہ آرائی کی اور شاہراہ پاکستان پر متعدد گاڑیوں کو نقصان پہنچایا گیا جبکہ دو بسوں اور ایک موٹر سائیکل کو نذر آتش کر دیاگیا۔ پولیس اور رینجرز کی بھاری نفری نے موقع پر پہنچ کر صورتحال پر قابو پایا اور سڑک کو ٹریفک کے لیئے کھول دیا۔
